Misioni i PriFilmFest është që të hap dyert e shtetit më të ri në botë, Kosovës, dhe përmes kinemasë të jetë nikoqire e kulturave të ndryshme nga bota, duke e përdorur atë si medium për të promovuar një dialog të hapur në mes të kulturave dhe popujve të ndryshëm.

PriFilmFest - Prishtina International Film Festival kërkon t’i sjellë më të mirën e botës së kinemasë në Prishtinë dhe Kosovë dhe të promovojë më të mirën e filmit kosovar për audiencën ndërkombëtare.

PriFilmFest ka për qëllim të zhvillojë talentet lokale dhe ndërkombëtare, duke nxitur zhvillimin e industrisë së filmit në shtetin tonë. Qytetarët e Kosovës do të kenë mundësi të përfitojnë nga PriFilmFest shijimin e vlerave të mëdha kulturore.

Znj. Vanessa Redgrave, aktore e famshme britanike, fituese e çmimeve Oscar dhe Golden Globe - Presidente e Bordit të PriFilmFest-it

Znj. Vanessa Redgrave, aktore e famshme britanike, fituese e çmimeve Oscar dhe Golden Globe ka konfirmuar se do të jetë Presidentja e Bordit të PriFilmFest-it si dhe do ta mbështesë këtë festival nëpërmjet rrjetit të saj të kontakteve në botën e kinematografisë.

PriFilmFest është një iniciativë që synon të promovojë Kosovën si shtetin më të ri në botë nëpërmjet kulturës. Duke sjellë filma të mirë & emra të shquar të kinematografisë në Kosovë, ky festival do të jetë mundësia e regjisorëve kosovarë të takohen me industrinë ndërkombëtare të filmit dhe të promovojnë projektet e tyre.

Ky festival do të zhvillohet në shtator të vitit 2009. Themeluesit e tij janë profesionistë me përvojë në fushat e filmit, televizionit, marketingut dhe marrëdhënieve me publikun, në organizimin e eventeve dhe në dizajn të cilët janë bashkuar për ta shndërruar këtë festival në një sukses që prej edicionit të tij të parë.

Duke ndjekur shembullin e shumë vendeve të tjera të rajonit dhe të botës, është parë se promovimi më i mirë për një vend mund të realizohet nëpërmjet kulturës së tij.

10 vjet pas luftës dhe në përvjetorin e parë të Pavarësisë, Kosova nuk ka ende një eveniment vërtetë përfaqësues që mund të tërheqë vëmendjen e mediave përveç çështjeve politike.Industria filmike e Kosovës është ende duke çaluar.

Me PriFilmFest-in, Prishtina dhe Kosova do të marrin një emër dhe një indentitet në botë në emër të kulturës dhe jo në kontekstin politik. Me PriFilmFest-in, Prishtina dhe Kosova do të mirëpresin kulturën e botës për 7 ditë dhe kjo është shumë e rëndësishme për imazhin e një shteti të ri pasi ne do të jemi të aftë të tregojmë se jeta jonë nuk përbëhet vetëm nga politika.  

Ka shumë biznese në Kosovë që zhvillojnë punën e tyre prej 10 vitesh dhe që e njohin shumë mirë situatën. PriFilmFest-i është vendi i përkryer për këto biznese t’u dedikojnë pjesë të buxheteve të tyre si Përgjegjesi Sociale e Korporatës duke investuar për komunitetin.  

PriFilmFest-i do të mund t’i prezentojë sponsorët në mënyrë shumë profesionale dhe do t’u japë hapësira të mjaftueshme në dispozicion gjatë gjithë muajit të fazës pre-festival si dhe gjatë festivalit për vizibilitet dhe promovim të tyre.  

PriFilmFest-i do të jetë mënyra më e mirë për çdo sponsor të investojë për komunitetin pasi do të jetë një javë festive mbushur me evenimente emocionuese, filma të suksesshëm, të ftuar të rëndësishëm dhe organizim të mirë.

Për të pasur një festival të suksesshëm tre janë pikat më të rëndësishme: Filma të mirë për t’u shfaqur, organizim i mirë dhe ndeja të mira.

Administrata e PriFilmFest-it po punon për të siguruar që të treja këto kushte të përmbushen në mënyrë që festivali të shndërrohet në një sukses dhe krenari për Prishtinën dhe Kosovën